პარლამენტში დღეს უსაფრთხოების ყვითელი დონე იმოქმედებს | პაპუაშვილი მოხსენებით წარდგება, ხოლო ონლაინ მედიას შენობაში ისევ არ შეუშვებენ
გამოქვეყნდა:
პარლამენტში დღეს უსაფრთხოების ყვითელი დონე იმოქმედებს, რაც იმას ნიშნავს, რომ ვიზიტორებს შენობაში შესვლა ეზღუდებათ. შესაბამისი გადაწყვეტილება "ქართული ოცნების" პარლამენტის თავმჯდომარის, შალვა პაპუაშვილის ყოველწლიურ მოხსენებას უკავშირდება.
კერძოდ, პაპუაშვილი დღეს პლენარულ სხდომაზე წლიურ ანგარიშს წარადგენს. უსაფრთხოების ყვითელი დონის ამოქმედების გამო, საკანონმდებლო შენობაში ონლაინ მედია ვერ შევლენ.
"დაგეგმილ საპარლამენტო ღონისძიებებზე (მათ შორის: კომიტეტების და პლენარულ სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები. შენობაში დაიშვებიან ტელემაუწყებლების/ტელემედია საშუალებების აკრედიტებული არაუმეტეს ორი ჯგუფი თითო მაუწყებლიდან, საპარლამენტო ღონისძიებების დასრულებამდე. აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა", - ნათქვამია განცხადებაში.
