ჯორჯიან უოთერ ენდ ფაუერის ცნობით, 15 მაისს მთაწმინდის რაიონში, ბარნოვის ქ.N28-თან წყალმომარაგების სტაბილურობისთვის აუცილებელი ტექნიკური სამუშაოები ჩატარდება
კომპანიის ტექნიკური ჯგუფები სამუშაოებს ხვალ, 15 მაისს საღამოს 23:00 საათზე დაიწყებენ და მთელი ღამის განმავლობაში ინტენსიურ რეჟიმში შეასრულებენ.
აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 15 მაისს, საღამოს 23:00 საათიდან 16 მაისის 11:00 საათამდე წყალმომარაგება შეეზღუდება:
- მთაწმინდის რაიონში:
ბარნოვის, ჯანაშიას, თარხნიშვილის, გუდაურის, ერეკლე ტატიშვილის, ზანდუკელის N 30-40 (ლუწებს), N 19-29 (კენტებს), კერესელიძის N 4-6, კოტე მაყაშვილის N 1-7 (კენტებს), N 2-6 (ლუწებს) ქუჩებს - ნათქვამია კომპანიის განცხადებაში.
