ახალქალაქის ცენტრალურ სტადიონზე ეთნიკურად სომეხი მოსახლეობა ყარაბაღის კონფლიქტში მონაწილე სომხების მხარდასაჭერად შეიკრიბა. ისინი ამბობენ, რომ შეკრების მთავარი მიზანი მხოლოდ მხარდაჭერის გამოცხადებაა.
მშვიდობიან აქციას სხვადასხვა მუნიციპალიტეტებში მცხოვრები ეთნიკური სომხებიც შეუერთდნენ. აქციის მონაწილეები ამბობენ, რომ ისინი ყარაბაღში მიმდინარე საომარი მოქმედებებისას დაშავებული მოსახლეობისა და სომეხი სამხედროების დასახმარებლად თანხასაც აგროვებენ. ისინი აპირებენ, რომ შეგროვებული ფული სომხეთში გაგზავნონ.
