"ვერავინ და ვერაფერი შეძლებს ჩვენი ერთიანობის დაშლას" - მეუფე ნიკოლოზი მოსკოვში ჩავიდა
გამოქვეყნდა:
"ვერავინ და ვერაფერი შეძლებს ჩვენი ერთიანობის დაშლას" - ეს სიტყვები ახალქალაქის, კუმურდოსა და კარის მიტროპოლიტმა, ნიკოლოზ ფაჩუაშვილმა მოსკოვში თქვა, სადაც მის ნათესავს - ანდრეი რუბლიოვის სახელობის ხელოვნების მუზეუმის დამფუძნებელს - დავით არსენიშვილს ყოველწლიური პანაშვიდი გადაუხადეს.
ინფორმაციასა და ფოტოებს მოსკოვის საპატრიარქოს საგარეო ურთიერთობათა განყოფილების თავმჯდომარის მოადგილე, მღვდელი ნიკოლაი ბალაშოვი Facebook-ზე ავრცელებს და წერს, რომ მიტროპოლიტ ნიკოლოზთან ერთად ტაძარში მსახურება სლავურ და ქართულ ენებზე შესრულდა. დღეს კი მეუფე სამეცნიერო კონფერენციაზე "ვეფხისტყაოსნის" შესახებ ისაუბრებს.
