"გამარჯვებულები დროშას სწევენ, მაგრამ ამგენმა მოხსნეს საერთოდ" - ქუთაისი ისევ დროშის გარეშე დარჩა
გამოქვეყნდა:
ქუთაისი ისევ დროშის გარეშეა დარჩენილი - ადგილობრივები მესამე დღეა დროშის ნაცვლად 47 მეტრიან სადგარს ხედავენ. ეს მაშინ, როცა დროშის მონტაჟისთვის მერიამ ტენდერი 6-ჯერ გამოაცხადა და ქალაქის ბიუჯეტს დროშის აღმართვა 65 000 ლარი დაუჯდა.
ქუთაისის მოსახლეობა ფიქრობს, რომ დროშა ამჯერადაც, სავარაუდოდ, ქარმა წაიღო.
"გამარჯვებულები დროშას სწევენ ზევით, მაგრამ ამგენმა მოხსნეს საერთოდ და 47-მეტრიანი სადგარი დაგვიტოვენ ქუთაისელებს", - ამბობს პარტია "თავისუფალი საქართველოს" წევრი, გოგი წულაია.
ქუთაისის მერიის პრესსამსახურში ამბობენ, რომ ქარიანი ამინდის გამო 3 დღის წინ დროშა სპეციალურად ჩამოხსნეს და მას დღეს ისევ აღმართავენ.
