დაჭრილი პოლიციელი კლინიკაშია, მკვლელობის მცდელობაში ბრალდებული დავაკავეთ - შსს
გამოქვეყნდა:
შსს-ს თანამშრომლის განზრახ მკვლელობის მცდელობის ბრალდებით პოლიციამ ერთი პირი დააკავა. უწყების ინფორმაციით, დაკავებულმა ურთიერთშელაპარაკებისას გ.მ.-ს ცეცხლსასროლი იარაღიდან გასროლით მრავლობითი ჭრილობა მიაყენა.
"გ.მ. შინაგან საქმეთა სამინისტროს თანამშრომელია და ინციდენტის დროს სამსახურებრივ მოვალეობას არ ასრულებდა. დაჭრილი გადაყვანილია კლინიკაში, სადაც შესაბამისი მკურნალობა უტარდება. გამოძიება საქართველოს სისხლის სამართლის კოდექსის 19-108-ე მუხლით და 236-ე მუხლის მე-4 ნაწილით მიმდინარეობს, რაც განზრახ მკვლელობის მცდელობას და ცეცხლსასროლი იარაღის მართლსაწინააღმდეგო ტარებას გულისხმობს", - აცხადებს შსს.
შსს-ს ინფორმაციით, პოლიციამ 1955 წელს დაბადებული ნ.ც. განზრახ მკვლელობის მცდელობის და ცეცხლსასროლი იარაღის მართლსაწინააღმდეგო ტარების ბრალდებით საკუთარ სახლში დააკავა. დაკავებული ჩადენილ დანაშაულს აღიარებს. დანაშაული 7-დან 15 წლამდე ვადით თავისუფლების აღკვეთას ითვალისწინებს.
