ავადმყოფობა რის ფასად გვიჯდება... - გორში პაციენტები კლინიკის რიგში სათობით დგანან
გამოქვეყნდა:
გორში, კლინიკა "გორმედთან" პაციენტებს საათობით უწევთ რიგრში დგომა. მიზეზად ისინი მედპერსონალის ნაკლებობას ასახელებენ.
გარდა ამისა, ამბობენ, რომ ლოდინისას სრულად არაა დაცული კოვიდრეგულაციები და ირღვევა სოციალური დისტანციაც.
- "ავადმყოფობა რის ფასად გვიჯდება... თავზე გვაქვს დამხობილი ქვეყანა და ყოველ დღე. გათელილები ვართ ფეხქვეშ", - ამბობს ერთერთი მოქალაქე.
- "მხოლოდ 2 რეგისტრატორი ზის, დილიდან აქ ვდგავარ და არ გვიშვებენ. პირიქით, ხელს უწყობენ კოვიდის გავრცელებას", - თქვა რიგში მდგომმა პაცინეტმა.
კლინიკის ადმინისტრაცია რიგებს გაზრდილ მოთხოვნას უკავშირებს.
"ვერ ხორციელდება ყველა პაციენტის განთავსება შიდა სივრცეში. მედპერსონალთა ნაწილი კი არის დაინფიცირებული, მაგრამ ამ ეტაპზე რიგები ამით არაა გამოწვეული", - ამბობს კლინიკის წარმომადეგენელი.
ცნობისთვის, დღეს საქართველოში კორონავირუსის 538 ახალი შემთხვევა დადასტურდა.
