ოჯახები რომ ვარჩინოთ, ქუჩაში გამოვედით - ქუთაისში ბაზრობაზე დასაქმებულებმა გარევაჭრობა დაიწყეს
გამოქვეყნდა:
ბაზრობებისა და სავაჭრო ცენტრების დახურვის შემდეგ, ქუთაისში შემოსავლის გარეშე დარჩენილმა მოვაჭრეებმა ტანსაცმელი ქუჩაში გაიტანეს.
თვითდასაქმებულების თქმით, რეგულაციებმა ისინი უმძიმეს მდგომარეობაში ჩააყენა.
- "წამლის ფული არ მაქვს, 24 წელია ბაზარში ვზივარ, მაგრამ იძულებულები გავხდით და ქუჩაში გამოვედით"
- "შევიზღუდეთ, რადგან მოლები გახსნილი იყო, თუმცა ჩვენი ბაზრობა არა. ოჯახები რომ ვარჩინოთ, ქუჩაში გამოვედით"
- "მთავრობამ პირიქით, უნდა შეგვიწყოს ხელი, არჩევნებზე ხომ ისევ ავირჩიეთ. აქ ყველა გაჭირვებულია, დაუკეტეს ამ საცოდავებს ბაზარი"
- "კეთილი ინებოს სახელმწიფომ და რაღაც გამოსავალი მოძებნოს, საჭმელი რომ მაინც ვჭამოთ", - ამბობენ გარემოვაჭრეები.
სავაჭრო ცენტრ "გრანდ მოლის" დირექტორი, ნატო დანელია, ამბობს, რომ მოვაჭრეებისთვის ახლო მომავალში დასაქმების არანაირი პერსპექტივა არ არსებობს, რამაც მათი ქუჩაში გასვლა გამოიწვია.
შეგახსენებთ, რომ ბაზრობები 28 ნოემბრიდან აღარ ფუნქციონირებს, სავაჭრო ცენტრები კი მეორედ უკვე 3 იანვარს დაკეტეს.
