გოძიაშვილის ბაღის 2 მილიონიანი რეაბილიტაცია ერთი წლის წინ დასრულდა, მაგრამ უხარისხოდ შესრულებული სამუშაოების გამო ბილიკებზე დაგებული მასალა დალპა, გრანიტის ფილები კი დატყდა. მოსახლეობა სკვერით ვერ სარგებლობს.
კახი კალაძემ უხარისხოდ შესრულებულ სკვერში-ძვირადღირებული სკამებიც დადგა - თითოში - 2000 ლარი გადაიხადა. კეთილმოწყობის სამუშაოები კი იმ კომპანიას დაავალა, რომლის მფლობელებიც 2013 წელს ქართულმა ოცნებამ კორუფციულ სქემაში ჩართულობის ბრალდებით გაასამართლა.
გრინსერვისის დირექტორი ამბობს, რომ კეთილი ნებით სკვერს თავადვე შეაკეთებს.
გრინსერვისისა და თბილისის მერიის კორუფციული სქემა, ბიუჯეტის ფულის არამიზნობრივი ხარჯვა და ხშირ შემთხვევაში უხარისხო სამუშაოების ფაქტები - მმართველი გუნდის ოპონენტებმა შეისწავლეს.
გრინსერვისმა 2013 წლიდან დღემდე ბიუჯეტიდან 56 მილიონ ლარზე მეტი მიიღო, ძირითადად გამარტივებული გზით, რაც კორუფციასთან დაკავშირებით კიდევ უფრო მეტ კითხვის ნიშანს აჩენს.
