ქუთაისში საწვავის ფასის ზრდას აპროტესტებენ - მძღოლები ავტომაგისტრალის გადაკეტვას გეგმავენ
გამოქვეყნდა:
ქუთაისში მძღოლები საწვავის ფასის ზრდას აპროტესტებენ და თბილისი-სენაკი-ლესელიძის ავტომაგისტრალის გადაკეტვასაც გეგმავენ.
მათი თქმით, საწვავის ფასის ზრდა ავტომატურად გამოიწვევს ყველა პროდუქტის გაძვირებას. ამ წუთებში აქციის მონაწილეები ქუთაისის სპორტის სასახლესთან არიან შეკრებილები.
"გუშინ კიდევ 7 თეთრით მოემატა საწვავს ფასი, არ ვაპირებთ ვინმესთან მისვლას და ოფისში დალაპარაკებას, მოვიდეს ჩვენთან და დაგველაპარაკოს, ადამიანები ჩამოვიდნენ სხვადასხვა ქალაქიდან, მალე ასეთივე აქცია იქნება ბათუმში და სხვა ადგილებში", - თქვა აქციის ერთერთმა მონაწილემ.
"გადაკეტვა კი არ იქნება, მეტი ფული არა გვაქვს და სადაც დამთავრდება ბენზინი, იქ გავჩერდებით, მოვიდნენ, წაგვიყვანონ", - განაცხადა გოგი წულაიამ, რომელიც აქციაში თავადაც მონაწილეობს.
შეგახსენებთ, საწვავის ფასების გაძვირების გამო ქუთაისელმა მძღოლებმა აქცია-მსვლელობა რამდენიმე დღის წინაც მოაწყვეს.
