დამწყვდეული ბავშვები - მეუფე სპირიდონმა თავშესაფრის ბინადრებს გარესამყაროსთან კონტაქტი აუკრძალა
გამოქვეყნდა:
ნინოწმინდის ბავშვთა სახლში, წლებია, არც სახალხო დამცველის წარმომადგენლებს და არც სოციალურ აგენტებს არავინ უშვებს. შესაბამისად, სახელმწიფო უწყებებისთვის, ვინც მსგავს პანსიონატებში ბავშვთა მდგომარეობასა და საჭიროებებს სისტემატურად ამომწებს, უცნობია, რა ხდება იმ კარებს მიღმა, რომელიც მეუფე სპირიდონმა საკუთარი გადაწყვეტილებით დახურა, პატარებს გარესამყაროსთან კონტაქტი აუკრძალა და მათ საკუთარი მოსაზრებებისა და შეხედულებების მიხედვით ზრდის.
მიუსაფარი ბავშვებისთვის თავშესაფრისა და მომავლის მიცემა ნამდვილად დასაფასებელია, მაგრამ გაუგებარია რატომ შეიძლება მაღალი იერარქიის სასულიერო პირმა პრაქტიკულად სახელმწიფო სახელმწიფოში გამოაცხადოს და რელიგიური მოსაზრებებით ბავშვებს არავინ მიაკაროს.
მეუფე სპირიდონი არც მალავს, რომ უფლებადამცველებს სიბილწისა და ცოდვის წყაროდ მიიჩნევს და მათ ემუქრება კიდეც.
ეკა გაგუას რეპორტაჟი: "დამწყვდეული ბავშვები"
