დღეიდან საზოგადოებრივი ტრანსპორტით გადაადგილება ისევ იზღუდება. შესაბამისი გადაწყვეტილება 26 აპრილს მთავრობის საკოორდინაციო საბჭოზე მიიღეს. გადაწყდა, რომ 3-12 მაისის ჩათვლით მუნიციპალური ტრანსპორტი გაჩერდება.
საბჭოს გადაწყვეტილებითვე, არ შეიზღუდება საქალაქთაშორისო ტრანსპორტით გადაადგილება.
მანამდე კი, საზოგადოებრივი ტრანსპორტის მოძრაობა 2020 წლის ნოემბერში აიკრძალა, რის შემდეგაც მუნიციპალური ტრანსპორტით გადაადგილება 2021 წლის 8 თებერვალს სამუშაო დღეებში აღდგა. შაბათ-კვირას დაწესებული ეს შეზღუდვა 24 თებერვლიდან მოიხსნა.
