"ბოდიში ჩემს მაყურებელს და ბატონ ივერისაც" - წამყვანის ხმაურიანი განცხადება "პირველი არხის" პირდაპირ ეთერში
გამოქვეყნდა:
ბოდიში ჩემს მაყურებელს და ბატონ ივერისაც - ხმაურიანი განცხადება საზოგადოებრივი მაუწყებლის პირდაპირ ეთერში. "პირველი არხის" გადაცემა „კვირის ინტერვიუს“ წამყვანი ირაკლი აბსანძე მაუწყებლის ეთერში, ე.წ. დავით გარეჯზე გასულ ფილმს აკრიტიკებს და ამბობს, რომ აღნიშნულმა მედიაპროდუქტმა ხელი შეუწყო ივერი მელაშვილის წინააღმდეგ სიძულვილის კამპანიის გაძლიერებას:
ე.წ. გარეჯის თემაზე ერთი განცხადება მინდა გავაკეთო. მე მგონი ჩემ მაყურებელთან დავალებული ვარ ამით.
ამ არხზე, ამავე საეთერო დროს, ოღონდ სხვა დღეს, გავიდა მედიაპროდუქტი ამ საქმესთან დაკავშირებით, რომელმაც ჩემი აზრით, ხელი შეუწყო ივერი მელაშვილის წინააღმდეგ სიძულვილის კამპანიის გაძლიერებას. ეს სულ მცირე რაც შემიძლია შევაფასო მე თვითონ, ცდება დემოკრატიული ქვეყნის საზოგადოებრივი მაუწყებლის სტანდარტს, სეკულარული სახელმწიფოს საზოგადოებრივი მაუწყებლის სტანდარტს... ბოდიში ჩემს მაყურებელს და ბატონ ივერისაც" თქვა ირაკლი აბსანძემ პირდაპირ ეთერში.
ივერი მელაშვილს, რომელიც "მთავარი არხის" გადამღებ ჯგუფთან ერთად, დავით გარეჯის სამონასტრო კომპლექსის ტერიტრიაზე, იმყოფებოდა, რა დროსაც მათ ნასვამი ადგილობრივი სასულიერო პირები, მოგვიანებით კი მოსახლეობა თავს დაესხა. შსს-მ მომხდარზე გამოძიება ძალადობის მუხლით დაიწყო.
