"თავი აქ დარტყმული, დედამისისთვის ტელეფონი კალთაში ჩაუდია და გადამხტარა" - ტრაგედია შაორზე
გამოქვეყნდა:
რაჭაში, შაორის ტბაში დამხრჩვალი მოზარდი საჩხერის მუნიციპალიტეტის ერთ-ერთი სკოლის მოსწავლე იყო.
ის წყალში, რამდენიმესაათიანი სამძებრო სამუშაოების შემდეგ, გარდაცვლილი იპოვეს. არსებული ინფორმაციით, 14 წლის კახა ფარქოსაძეს ფოტოს გადაღების დროს ქვაზე ფეხი დაუცურდა და წყალში ჩავარდა.
გარდაცვლილი მოზარდის ცხედარი ექსპერტიზის ბიუროდან სახლში უკვე გადაასვენეს.
ექსკურსიაზე ის დედასთან ერთად იყო. როგორც ახლობლები ამბობენ, მოზარდმა ცურვა არ იცოდა.
