აჭარაში, ხინოს ხეობაში 2 ახალგაზრდას ვერტმფრენით ეძებენ. საგანგებო სიტუაციების მართვის ცენტრის ინფორმაციით, ახალგაზრდები ქობულეთში, ხინოს ხეობაში, ხინოსა და გომის მთებს შორის იმყოფებოდნენ, მათ გზა აებნათ და ვერ ახერხებდნენ უსაფრთხო ადგილზე ჩამოსვლას.
ერთ-ერთ მათგანს ქვედა კიდურის დაზიანება აქვს.
რთული რელიეფის გამო, მეხანძრე-მაშველები ხეობაში ვერ მივიდნენ, დღეს დილიდან კი ახალგაზრდების სამძებრო სამუშაოებში ვერტმფრენი ჩაერთო.
