23 მაისიდან საგანგებო მდგომარეობის გაუქმებასთან ერთად, კომენდანტის საათიც მოიხსნება - ამის შესახებ პრემიერმინისტრმა გიორგი გახარიამ მთავრობის სხდომის დაწყებამდე განაცხადა.
ყველას კარგად გვესმის, რომ ჩვენი ვალდებულებაა, ქვეყანა, ნელ-ნელა, რაციონალურად, მაგრამ ძალიან ფრთხილად, ცხოვრების ნორმალურს წესს დაუბრუნდეს. მივიღეთ გადაწყვეტილება, აღარ გაგრძელდეს საგანგებო მდგომარეობა და შესაბამისად, აღარ გაგრძელდეს კომენდანტის საათი, - განაცხადა გახარიამ.
შეგახსენებთ, რომ საქართველოში საგანგებო მდგომარეობა 21 მარტს ამოქმედდა.
