ქუთაისში, აღმაშენებლის გამზირი, რომელიც ხელისუფლებამ თვეების წინ გადათხარა და მიატოვა, ავტომობილების დაზიანების სივრცედ იქცა. ცოტა ხნის წინ, გზაზე, მსუბუქი ავტომობილი გადათხრილ არხში გადავარდა. არსებული ინფორმაციით, შემთხვევის შედეგად არავინ დაშავებულა.
ქუთაისელები ამბობენ, რომ "ოცნების" ხელისუფლებამ ყოფილ საპარლამენტო ქალაქში წინასაარჩევნოდ ქუჩების უმრავლესობა გადათხარა, თუმცა ადგილზე არც მძიმე ტექნიკა მუშაობს და არანაირი სამუშაოები არ მიმდინარეობს.
მოსახლეობის განმარტებით, ყოფილი საპარლამენტო ქალაქი "ოცნებამ" პროვინციულ ქალაქად აქცია.
