ნანგრევებში მაშველებმა კიდევ ერთი ადამიანი იპოვეს, ის ცოცხალია და სამაშველო სამსახურის წარმომადგენლებთან კონტაქტზე გამოვიდა.
მისი ამოყვანა ჯერჯერობით ვერ ხერხდება და მაშველები ტერიტორიის გაწმენდას ცდილობენ.
ჩამონგრეული სადარბაზოს მიმდებარე ტერიტორიაზე მდებარე სტადიონზე პოლიციამ კარავიც გაშალა.
შეგახსენებთ, კორპუსის სადარბაზო ბათუმში, 26 მაისის ქუჩაზე დღეს დილით ჩამოინგრა. ადგილზე სამაშველო სამსახურის, საპატრულო პოლიციისა და სასწრაფო სამედიცინო დახმარების ეკიპაჟებია მობილიზებული. გვერდით მდებარე შენობებიდან მოქალაქეების ევაკუაცია განხორციელდა.
