იურიდიული მისამართი იქ გადაგვაქვს, სადაც თავისუფლება უკვე მოიპოვეს, წალენჯიხაში - ნიკა გვარამია
გამოქვეყნდა:
"მთავარი არხის" გენერალური დირექტორის, ნიკა გვარამიას განცხადებით, არხმა გადაწყვიტა, რომ იურიდიული მისამართი შეიცვალოს და ის იქ გადაიტანოს სადაც "თავისუფლება უკვე მოიპოვეს" - წალენჯიხაში.
"მთავარი არხის მთავარი ღირებულება თავისუფლებაა. საქართველოში კი ერთადერთი ადგილი, სადაც ხალხმა მოიპოვა თავისუფლება, წალენჯიხაა.
არხის გადაწყვეტილებით, ჩვენ ვიცვლით იურიდიულ მისამართს და გადაგვაქვს იქ, სადაც უკვე მოიპოვეს თავისუფლება - წალენჯიხაში", - წერს ნიკა გვარამია.
ცნობისთვის, 2021 წლის არჩევნების მეორე ტურის შემდეგ წალენჯიხა ერთადერთი ქალაქია, სადაც ოპოზიციის კანდიდატმა გაიმარჯვა.
