ავტოსაგზაო შემთხვევა მარნეულში - სოფელ მარადისთან შემთხვევის შედეგად შუა ხნის მამაკაცი ადგილზე გარდაიცვალა, ორი არასრულწლოვანი და ერთი ზრდასრული კაცი კი დაშავდნენ.
"მთავარი არხის" ინფორმაციით, დაშავებულები, სხეულის მძიმე დაზიანებით, სასწრაფო დახმარების ბრიგადებმა საავადმყოფოში გადაიყვანეს.
ცნობილია, რომ ერთმანეთს "ოპელ ასტრა" და "ფორდის" მარკის ავტომობილები დაეჯახნენ. ადგილზე სასწრაფო სამედიცინო დახმარების ბრიგადები და სამართალდამცველები იყვნენ მობილიზებული.
