ქუთაისში, კულტურული მემკვიდრეობის სტატუსის მქონე სახლში მცხოვრები ადამიანები დახმარებას ითხოვენ.
შენობის ნაწილი 2 თვის წინ ბუნებრივი აირის აფეთქებისას ჩამოინგრა. მას შემდეგ ადგილობრივებს ცხოვრება შიშის ფონზე უწევთ.
გამომდინარე იქიდან, რომ სახლს კულტურული მემკვიდრეობის სტატუსი აქვს მინიჭებული, ადგილობრივებს მისი გარემონტების უფლება არ აქვთ, ხელისუფლებამ კი სიცოცხლისთვის საშიში სახლის რეაბილიტაციისთვის თანხები ამ დრომდე ვერ მოიძია.
ადგილობრივებმა დახმარება "მთავარ არხს" სთხოვეს.
