აშშ-ს მიერ სანქცირებული ქართული კომპანიები | საგამოძიებო სამსახურმა გამოძიება დაიწყო
გამოქვეყნდა:
ჩვენთან ერთად მოიპოვეთ თავისუფლება!
ფინანსთა სამინისტროს საგამოძიებო სამსახურმა ქართულ, სანქცირებულ კომპანიებთან დაკავშირებულ ინფორმაციაზე გამოძიება დაიწყო.
უწყების განცხადებას უცვლელად გთავაზობთ:
საგამოძიებო სამსახურმა საქართველოში რეგისტრირებულ სანქცია დადებულ კომპანიებთან დაკავშირებულ ინფორმაციაზე გამოძიება დაიწყო
მიმდინარე წლის 17 დეკემბერს, საქართველოს ფინანსთა სამინისტროს საგამოძიებო სამსახურში დაიწყო გამოძიება საქართველოს საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის, განსაკუთრებით დიდი ოდენობით გადასახადისათვის თავის არიდებისა და უკანონო შემოსავლის ლეგალიზაციის ფაქტზე.
გამოძიებას საფუძვლად დაედო მასმედიაში გავრცელებული ინფორმაცია, რომლის თანახმადაც, სხვადასხვა კომპანიის მიერ ხდება საბაჟო წესის დარღვევით საქონლის/ტვირთის ტრანსპორტირება, განხორციელებული ფინანსური ოპერაციები სრულად არ აისახება კომპანიების სამეწარმეო საქმიანობასთან დაკავშირებულ დოკუმენტებში, რის შედეგადაც საბაჟო წესების დარღვევის გზით, ადგილი აქვს ბიუჯეტის კუთვნილი გადასახადებისათვის თავის არიდებას, ასევე შემდგომში, სხვადასხვა დანაშაულებრივი გზით, ხდება უკანონო შემოსავლის ლეგალიზაცია.
საქმის ვითარების გასარკვევად საჭირო ფაქტობრივი გარემოებების დადგენის მიზნით ტარდება შესაბამისი საგამოძიებო მოქმედებები.
გამოძიება მიმდინარეობს საქართველოს სისხლის სამართლის კოდექსის 214-ე, 218-ე და 194-ე მუხლებით, - ნათქვამია განცხადებაში.
იხილეთ ასევე:
