"თავისუფლება მიშას!" | 11:00 საათზე, მიხეილ სააკაშვილის პროცესის პარალელურად, ენმ საქალაქოსთან აქციას გამართავს
გამოქვეყნდა:
"ერთიანი ნაციონალური მოძრაობა" დღეს, 4 თებერვალს, საქართველოს მესამე პრეზიდენტის, მიხეილ სააკაშვილის საქმის განხილვის პარალელურად, თბილისის საქალაქო სასამართლოსთან აქციას გამართავს. აქცია 11:00 საათზე გაიმართება.
პარტიის წევრები და მხარდამჭერები მიხეილ სააკაშვილის გათავისუფლებას მოითხოვენ.
ცნობილია, რომ სასამართლო პროცესს თავად მიხეილ სააკაშვილიც დაესწრება.
მიხეილ სააკაშვილი უკვე მე-5 თვეა პატიმრობაშია. ის 1 ოქტომბერს მას შემდეგ დააკავეს, რაც საქართველოში დაბრუნდა.
