არეული გრაფიკი და საზოგადოებრივი ტრანსპორტის დაუსრულებელი მოლოდინი. გორის მოსახლეობა ახალი პრობლემის წინაშე აღმოჩნდა. მიკროავტობუსები, რომლებშიც სესხად აღებული 10 მილიონია გადახდილი, ერთმანეთის მიყოლებით მწყობრიდან გამოდის.
როდის, ან როგორ მოგვარდება შექმნილი პრობლემა არც სააგენტოს თანამშრომლებმა იციან. ტრანსპორტის სააგენტოს ადმინისტრაციის უფროსი არ უარყოფს, რომ 30-დან 5 ავტობუსი ახლა მართლაც გაფუჭებულია, მათი შეკეთება თურქული კომპანიის ვალდებულებაა, რომელიც პრობლემის აღმოფხვრას აგვიანებს.
