ვარიანში სტალინის ძეგლი დადგეს. თითქმის ორი მეტრის სიმაღლის მონუმენტი სოფელში რამდენიმე დღის წინ აღმართეს. ვის ეკუთვნის საბჭოთა დიქტატორის ძეგლის დადგმის იდეა და იყო თუ არა ეს შეთანხმებული ადგილობრივ ხელისუფლებასთან, ჯერ უცნობია. მერიაში კომენტარს არ აკეთებენ.
არაოფიციალური ცნობებით, ძეგლის დადგმა "ქართული ოცნების" დამფინანსებლის, გიორგი კანდელაკის გარემოცვასთანაა დაკავშირებული. ეს ჯგუფები ამ დრომდე ხელმოწერებს აგროვებენ და ცდილობენ გორში სტალინის ის ძეგლიც დააბრუნონ, რომელიც 2010 წელს აიღეს.
