ვრცელდება ინფორმაცია, თითქოს ეპისკოპოსი მელქისედეკი დასჯილ იქნა, რაც სიმართლეს არ შეესაბამება - საპატრიარქო
გამოქვეყნდა:
საქართველოს საპატრიარქოს განცხადებით, ვრცელდება ინფორმაცია, თითქოს მარგვეთისა და უბისის ეპისკოპოსი, მეუფე მელქისედეკი (ხაჩიძე) დასაჯეს, რაც მათივე ინფორმაციით, სიმართლეს არ შეესაბამება:
"ვრცელდება ინფორმაცია, თითქოს მარგვეთისა და უბისის ეპისკოპოსი მელქისედეკი (ხაჩიძე) საქართველოს საპატრიარქოში გამართულ შეკრებაზე დასჯილ იქნა კომისიის მიერ და აეკრძალა სასულიერო პირების ხელდასხმა.
განვმარტავთ, რომ აღნიშნულ კომისიაზე მოხდა შეთანხმება იმასთან დაკავშირებით, რომ საპატრიარქოს სამღვდელო კომისიას გაივლიან მარგვეთისა და უბისის ეპარქიაში სასულიერო პირად ხელდასხმის კანდიდატები. რაც შეეხება ინფორმაციას ეპისკოპოსის დასჯის და ხელდასხმის უფლების შეჩერების შესახებ, სიმართლეს არ შეესაბამება." ნათქვამია საპატრიარქოს განცხადებაში.
