ერთი დაღუპული და რამდენიმე დაშავებული - ავტობანზე მომხდარი შეჯახების დეტალები
გამოქვეყნდა:
ურბნისთან მომხდარი ავტოსაგზაო შემთხვევის შედეგად ერთი ადამიანია დაღუპული, ხოლო 5 დაშავებულია. ისინი კატასტროფის ბრიგადებმა საავადმყოფოში გადაიყვანეს. გარდაცვლილის ცხედარი ექსპერტიზაზე ჯერჯერობით არ გადაუსვენებიათ. ადგილზე პოლიცია და სახანძრო-სამაშველო ბრიგადებია მობილიზებული.
ავტობანზე შემთხვევა რამდენიმე წუთის წინ მოხდა. შეჯახების შემდეგ 2 ავტომანქანას ცეცხლი გაუჩნდა. ცეცხლმოკიდებული მანქანებიდან ადამიანები გამვლელების დახმარებით გადმოიყვანეს. რამდენიმე წუთის განმავლობაში მაგისტრალზე დასავლეთიდან აღმოსავლეთის მიმართულებით მოძრაობა შეზღუდული იყო.
