მოკლევადიან პერსპექტივაში რუსეთს ენერგეტიკულად საქართველოზე მნიშვნელოვანი ზეწოლის ბერკეტი არ აქვს - WEG

გამოქვეყნდა:

მოკლევადიან პერსპექტივაში რუსეთს ენერგეტიკის კუთხით საქართველოს წინააღმდეგ მნიშვნელოვანი ზეწოლის ბერკეტი არ აქვს. ეს ეხება როგორც ენერგიის მიწოდების შეწყვეტას, ისე მიწოდების შეწყვეტის მუქარასა და მის გამოყენებას პოლიტიკური შანტაჟისთვის. - ამის შესახებ ინფორმაციას დამოუკიდებელი, არაკომერციული ანალიტიკური ცენტრი, World Experience for Georgia ავრცელებს. 

ცენტრის კვლევის სახელწოდებაა "რუსეთ-უკრაინის ომის გავლენა საქართველოს ენერგეტიკულ უსაფრთხოებაზე მოკლევადიან პერსპექტივაში" 

კვლევის ძირითადი მიმართულებებია:

  • რუსულ იმპორტზე დამოკიდებულება ელექტროენერგიის, ბუნებრივი გაზისა და ნავთობის კუთხით;
  • ენგურჰესი და აფხაზეთის ენერგომომარაგების საკითხები;
  • რუსული კაპიტალი საქართველოს ენერგეტიკაში და სანქციების ზეგავლენა;
  • ევროკავშირის ენერგეტიკული პოლიტიკა რუსეთთან მიმართებით და მისი გავლენა საქართველოს ენერგომომარაგებაზე.

კვლევაში წერია, რომ რუსეთიდან საქართველოში იმპორტირებული ელექტროენერგიის წილი მცირეა და ბოლო წლების განმავლობაში ელექტროენერგიის მოხმარების 4%-ს არ აღემატება.ამასთან, ბუნებრივი გაზის წილი 2019 წლამდე 8%-ს არ აღემატებოდა, თუმცა ბოლო წლებში ეს მაჩვენებელი გაიზარდა.

მათი ცნობით, რუსეთ-უკრაინის ომის გავლენა აზერბაიჯანიდან მოწოდებულ ბუნებრივ გაზზე მინიმალურია. აზერბაიჯანი, როგორც საქართველოს სტრატეგიული პარტნიორი, აგრძელებს ჩვეულ რეჟიმში გაზმომარაგებას.

რაც შეეხება ნავთობპროდუქტებს, ცენტრის ცნობით, საქართველოში ნავთობპროდუქტების 27.1% რუსეთიდან შემოდის (2020წ). იმპორტის შეფერხების შემთხვევაში, დეფიციტის დაბალანსება სხვა ქვეყნების ხარჯზე არის შესაძლებელი.

ანგარიშში ვკითხულობთ, რომ რუსული ენერგეტიკული რესურსების იმპორტის ზრდის თავიდან ასაცილებლად, საქართველოს საკუთარი გაზსაცავი და ნავთობგადამამუშავებელი საწარმო სჭირდება.

 

მთავარი 15:00
უყურეთ ბოლო გამოშვებას

იხილეთ ჩვენს ეთერში

დღის მთავარი