იუსტიცია: CPT-ის შეფასებით, პენიტენციურის თანამშრომლებსა და პატიმრებს შორის დადებითი და მშვიდი ურთიერთობაა
გამოქვეყნდა:
იუსტიციის სამინისტროს ინფორმაციით, წამების პრევენციის ევროპული კომიტეტის შეფასებით, საქართველოს ციხეებში არასათანადო მოპყრობის არცერთი შემთხვევა არ დაფიქსირებულა. მათივე ცნობით, ანგარიში დღეს, 16 ივნისს გამოქვეყნდა და მასში ნათქვამია, რომ დელეგაციას არ მიუღია ინფორმაცია ციხის თანამშრომლების მხრიდან პატიმრების არასათანადო მოპყრობის არცერთ ფაქტზე -"პირიქით, CPT-ის შეფასებით, პენიტენციური დაწესებულებების თანამშრომლებსა და პატიმრებს შორის დადებითი და მშვიდი ურთიერთობა არსებობს" აცხადებს უწყება.
