არსებული ინფორმაციით, შატილი-ბარისახოს გზაზე მოქალაქეები არიან ჩარჩენილი, მათ შორის ბავშვები
გამოქვეყნდა:
არსებული ინფორმაციით, შატილი-ბარისახოს გზაზე სამაშველო სამსახურის წარმომადგენლებს უკვე რამდენიმე საათია ელოდებიან. სტიქიის გამო, ადგილზე მძიმე ვითარებაა და ჩარჩენილია მოსახლეობა, მათ შორის არის სამი ბავშვი.
უხვი ნალექის გამო მძიმე ვითარებაა მცხეთა-მთიანეთში. ადიდებული არაგვი გზაზე გადმოვიდა, რამაც გაართულა სატრანსპორტო მოძრაობა მლეთასთან და გუდაურისკენ მიმავალ გზაზე.
მუგუდაში კლდე ჩამოინგრა, დაიტბორა თიანეთის მუნიციპალიტეტის სოფლები. რთული მდგომარეობაა დაბა სიონშიც, სადაც შიდა გზებიც დაზიანდა. გზის გარეშე დარჩა დუშეთის რაიონის რამდენიმე სოფელიც. სტიქიის ზონიდან ორი ოჯახის ევაკუაცია მოხდა.
მაქსიმალურ ნიშნულს ასცდა წყლის დონე მდინარე იორშიც, რომელიც კალაპოტიდან გადმოვიდა, ჩახერგა გზები და სოფლების -ჭურჭელაურები. დაზიანდა არტანის დამაკავშირებელი გზის რამდენიმე მონაკვეთი.
იხილეთ ასევე:
