შესაძლოა, FBI მიხეილ სააკაშვილის ექსპერტიზაში ჩაერთოს | "ემპათიას" ექსპერტებმა მესამე პრეზიდენტი მოინახულეს
გამოქვეყნდა:
მიხეილ სააკაშვილის სამედიცინო ექსპერტიზაში შესაძლოა შეერთებული შტატების გამოძიების ფედერალური ბიურო ჩაერთოს. მთავარ სტრატეგიულ პარტნიორს ქვეყნის მესამე პრეზიდენტის უფლებადამცველებმა მიმართვა უკვე გადაუგზავნეს. მთავარი მიზანი უკანონო პატიმრობაში მყოფი პრეზიდენტისთვის სასჯელის გადავადების მექანიზმის ამუშავება და მისი სამკურნალოდ საზღვარგარეთ გაყვანის საკითხის გადაჭრაა.
პარალელურად, მუშაობას აგრძელებს ცენტრი ემპათია. საბოლოო დასკვნის გამოქვეყნებამდე რამდენიმე დღით ადრე მედიკოსებმა სააკაშვილის მკურნალი ექიმებისაგან მესამე პრეზიდენტის ჯანმრთელობის მდგომარეობის შესახებ ბოლო ცნობები მიიღეს. დასკვნა ფინალურ ეტაპზეა, თუმცა უკვე ცნობილი ხდება, რომ ვივამედში გატარებული ორი თვე მიხეილ სააკაშვილისთვის უშედეგო აღმოჩნდა.
ავტორი: ზურა პეტროსიანი
