ხანძარი თამარ მეფის ქუჩაზე მდებარე სახლის მეორე სართულზე გაჩნდა. ცეცხლი სავარაუდოდ დენის კაბელს მოეკიდა, თუმცა ადგილობრივები არც იმას გამორიცხავენ, რომ წყარო პირველ სართულზე მდებარე კომერციული ფართი იყო.
ადგილზე ძლიერი დაკვამლიანება იყო, რის გამოც რამდენიმე ადამიანი შეუძლოდ გახდა და სახანძრო სამაშველო სამსახურების დახმარებით მათი ევაკუაცია მოხდა და სასწრაფოს ბრიგადებმა ისინი საავადმყოფოში გადაიყვანეს.
