ვარკეთილში, ჯავახეთის ქუჩაზე სამართალდამცველები არიან მობილიზებული. კრიმინალური პოლიციისა და საპატრულო პოლიციის თანამშრომლებს ტერიტორია ყვითელი ლენტებით აქვთ შემოსაზღვრული.
"შკოდას" მარკის ავტომობილს, რომლის ერთ-ერთი მინაც ჩამსხვრეულია, ამ წუთებში ექსპერტ-კრიმინალისტები ათვალიერებენ. სავარაუდოდ, ავტომობილი სახელმწიფო ბალანსზეა.
როგორც "მთავარი არხის" ვებგვერდს შსს-ში განუცხადეს, გამოძიება სსკ-ის 187-ე მუხლით მიმდინარეობს, რაც სხვისი ნივთის დაზიანებას ან განადგურებას გულისხმობს.
დამატებითი დეტალები უცნობია.
