სავიზო რეჟიმის შემოღების მოთხოვნას 1 დღეში 15 000-ზე მეტმა ადამიანმა მოაწერა ხელი | პეტიცია დასრულდა
გამოქვეყნდა:
საქართველოს მოსახლეობა მასობრივი რუსული მიგრაციის წინააღმდეგ - პეტიცია, რომელიც რუსეთის და ბელარუსის მოქალაქეთათვის სავიზო რეჟიმის შემოღებას გულისხმობს, დასრულდა.
განცხადება გუშინ, 3 აგვისტოს Manifest.ge-ზე გამოქვეყნდა და დაახლოებით 24 საათში 15 365-მა ადამიანმა მოაწერა ხელი. პეტიციას სულ 10 000 ხმა სჭირდებოდა.
პეტიციის ადრესატები არიან:
- საქართველოს მთავრობა
- საქართველოს პარლამენტი
- საქართველოს პრეზიდენტი
მოთხოვნის შინაარსი კი ასეთია:
დაწესდეს რუსეთის და ბელორუსის მოქალაქეთათვის სავიზო რეჟიმი, რომლის მიხედვითაც წლის განმავლობაში რუსეთის და ბელორუსის მოქალაქეები 3 თვეზე მეტი დროით ვერ შეძლებენ საქართველოს ტერიტორიაზე ყოფნას, რაც უზრუნველყოფს რუსეთის და ბელორუსის მოქალაქეების მხოლოდ ტურისტული მიზნებისთვის საქართველოში მოგზაურობას.
ამავე თემაზე:
