ამბოხებულების ბრალდება კელი დეგნანს და აშშ-ს | "ოცნებიდან" წასულები მორიგ წერილს ავრცელებენ
გამოქვეყნდა:
მორიგი თავდასხმა ხანმოკლე პაუზის შემდეგ. ე.წ მეამბოხე დეპუტატების სამიზნე კვლავ ამერიკის დიპლომატიური წარმომადგენლობაა. ივანიშვილის ოთხეული სტრატეგიულ პარტნიორებს რადიკალური ოპოზიციის მხარდაჭერაში და გადატრიალების მცდელობაში ადანაშაულებს.
ბრალდებების სია ვრცელია და ის ზედმიწევნით ასახავს "ოცნების" ხელისუფლების პოზიციას. დეპუტატების წერილიდან ასევე ირკვევა, რომ "ოცნების" წევრები, რომლებიც ფორმალურად გაემიჯნენ ოლიგაქრს, ნაწყენები არიან, რომ მათი შეკითხვები ელჩის მისამართით იგნორირებული იყო. საბოლოოდ კი იხილეს კელი დეგნანის ვრცელი ინტერვიუ, სადაც დიპლომატმა ქართულად განუმარტა, რომ ამერიკა მშვიდობის მხარესაა.
