"ამინდი არაა შესაბამისი... რისკის ფასად, ვერტმფრენის იქ შესვლა არ შეიძლება" | მაშველები მწვერვალზე ჩარჩენილი ტურისტების დახმარებას ცდილობენ
გამოქვეყნდა:
სამაშველო ოპერაცია თეთნულდზე. მაშველები მწვერვალზე ჩარჩენილი ტურისტების დახმარებას ცდილობენ. სამაშველო სამსახურის ჯგუფი თეთნულდზე ფეხით მიემართება, თუმცა უამინდობის გამო გადაადგილება უჭირთ.
ცნობილია, რომ 6 ტურისტიდან 2 დაშავებულია. წინასწარი ინფორმაციით, მათ ღია მოტეხილობები აქვთ. ტურისტების დასახმარებლად მობილიზებულია ვერტმფრენიც, თუმცა რთული გეოგრაფიული მდებარეობის მიზეზით, სამაშველო ოპერაციაში ჩართვა ჯერჯერობით ვერ ხერხდება.
"...შემოვიდა შეტყობინება, 6-კაციანი ჯგუფია. სავარაუდო დაზიანება არის 2 ადამიანის, სავარაუდო მოტეხილობაა. დაბანაკებულები არიან ერთ ადგილზე. სამაშველო ნებისმიერ დროს მზად არის, უბრალოდ ამინდი შესაბამისი არ არის და რისკის ფასად ვერტმფრენის იქ შესვლა, მოგეხსენებათ, არ შეიძლება, - ამბობს მესტიის მერის მოადგილე ნელი ნავერიანი.
იხილეთ ასევე:
