ხანძარი ჩოხატაურის მუნიციპალიტეტში - რუსთაველის ქუჩაზე საცხოვრებელი კორპუსი იწვის. "გურიანიუსის" ინფორმაციით, ცეცხლი პირველი სადარბაზოს მეორე სართულის ბინიდან გავრცელდა.
ხანძრის გამომწვევი მიზეზი, ჯერჯერობით, დაუდგენელია. ადგილზე მობილიზებულია სამაშველო-სახანძრო და სასწრაფო სამედიცინო დახმარების ბრიგადები.
ადგილზე იმყოფება მუნიციპალიტეტის მერიც.
გურიაში დღეს სხვა ხანძარიც იყო. ცეცხლი ოზურგეთის მუნიციპალიტეტის სოფელ შრომაში, საცხოვრებელ სახლს გაუჩნდა. გავრცელებული ინფორმაციით, ხანძარი გაუმართავმა გაყვანილობამ გამოიწვია.
