ავტოსაგზაო შემთხვევა ქობულეთში - ბათუმი-ქობულეთის შემოვლით გზაზე, მდინარე კინტრიშთან ერთმანეთს რამდენიმე ავტომობილი დაეჯახა. ავარიის შედეგად დაშავდა 9 ადამიანი, მათ შორის ორი ბავშვი.
სასწრაფო სამედიცინო დახმარების ცენტრში "მთავარი არხის" ვებგვერდს უთხრეს, რომ დაშავებულები, მრავლობითი დაზიანებებით, ქობულეთის სამედიცინო ცენტრსა და ქობულეთის "ევექსში" გადაიყვანეს.
ამ დროისთვის დამატებითი დეტალები უცნობია.
