მონაზონზე თავდასხმა ხაშურში - დაკავებულებიდან ერთი ადგილობრივი, მეორე კი მასთან სტუმრად მყოფი პირია
გამოქვეყნდა:
ხაშურის დედათა მონასტერში მომხდარი თავდასხმის ფაქტზე დაკავებულებიდან ერთი ადგილობრივი, მეორე კი მასთან სტუმრად მყოფი პირი იყო.
საუბარია 27 და 39 წლის კაცებზე. შსს-მ ისინი ჯგუფური ყაჩაღობისა და გაუპატიურების მუხლებით დააკავა. ამჟამად ორივე დაკავებული წინასწარი მოთავსების იზოლატორში იმყოფება და ბრალის ოფიციალურ წარდგენას ელოდება.
რაც შეეხება დაშავებული მონაზვნის მდგომარეობას, ის მძიმეა. კატასტროფის ბრიგადამ მონაზონი თბილისში ერთ-ერთ კლინიკაში გადაიყვანა.
ხაშურის დედათა მონასტერში თავდასხმა გუშინ, 25 ნოემბერს მოხდა. გამოძიების თანახმად, ორმა უცნობმა პირმა 70 წლამდე მონაზონს ფიზიკური დაზიანებები მიაყენა და მასზე სექსუალურად იძალადა. ქალი მონასტერში, სავარაუდოდ, მარტო იმყოფებოდა.
იხილეთ ასევე:
- მონაზვნის მიმართ ჯგუფურად ჩადენილი ყაჩაღობისა და გაუპატიურების ფაქტზე შსს განცხადებას ავრცელებს
- ხაშურში მონაზონზე თავდასხმის საქმეზე გამოძიება გაუპატიურებისა და ყაჩაღობის მუხლით დაიწყო - დაკავებულია 2 პირი
- სავარაუდო ყაჩაღური თავდასხმა ხაშურში, დედათა მონასტერში | მონაზონს ფიზიკური დაზიანებები მიაყენეს
