ფონიჭალაში მიმდინარე აქციაზე პოლიციამ ერთი ახალგაზრდა დააკავა. აქციას დაკარგული თამარ ბაჩალიაშვილის ოჯახის წევრები მართავენ. მათ საავტომობილო გზაც გადაკეტეს. პოლიციამ ახალგაზრდა მაშინ დააკავა, როდესაც გადაკეტილი გზის გახსნას ცდილობდა.
"მთავარი არხი" ამ დროოისათვის შსს-ში ინფორმაციის გადამოწმებას ცდილობს.
დაკარგული თამარ ბაჩალიაშვილის ოჯახი პოლიციას და გამოძიებას არასათანადო მუშაობაში ადანაშაულებს.
დაკარგული გოგონას ოჯახი საქმის მასალებზე წვდომასაც ითხოვს. ამ დროისათვის ოჯახს დაზარალებულის სტატუსი არ აქვს, არ ჰყავს ადვოკატი და შესაბამისად, არ აქვს საქმის მასალებზე წვდომაც.
ოჯახი ითხოვს სამართალდამცველებმა სამძებრო სამუშაოების მიმდინარეობისას, საქმის კურსში ჩააყენონ და წვდომა ჰქონდეთ კამერებისა და სატელეფონო ჩანაწერებზე.
23 წლის თამარ ბაჩალიაშვილს ოჯახი უკვე მეოთხე დღეა ეძებს.
