გელათთან დაკავშირებით, საპატრიარქო პოლიტიკურ პარტიებსა და მედიას თანამშრომლობისკენ მოუწოდებს
გამოქვეყნდა:
"ნუ ვიქნებით მიკერძოებულები და ნუ მივუდგებით ამ ზოგად ქართულ საკითხს ჩვენი ვიწრო ინტერესებით" - ასე მიმართავს საქართველოს საპატრიარქო პოლიტიკურ პარტიებს და ტელევიზიებს და გელათის სამონასტრო კომპლექსში არსებულ ვითარებას ეხმაურება. განცხადებაში წერია, რომ საპატრიარქო პარტიებს დიალოგისა და თანამშრომლობისკენ მოუწოდებს.
მდგომარეობა არათუ მძიმეა, არამედ კრიტიკულია! საჭიროა შექმნილი ვითარების სასწრაფოდ გამოსწორება და მხატვრობის გადარჩენა! მიგვაჩნია, რომ აღნიშნული ჯგუფი უნდა ჩანაცვლდეს უფრო მაღალი კომპეტენციის მქონე სპეციალისტებით.
თხოვნით მივმართავთ პოლიტიკურ პარტიებს და ტელევიზიებს, თანაბრად ყველას, ნუ ვიქნებით მიკერძოებულები და ნუ მივუდგებით ამ ზოგად ქართულ საკითხს ჩვენი ვიწრო ინტერესებით. საპატრიარქო ყველა დაინტერესებულ მხარეს სთავაზობს თავისუფალ და მიუკერძოებელ დიალოგს. ვისაუბროთ მშვიდად და გელათის საუკეთესო ინტერესებიდან გამომდინარე. სწორი თანამშრომლობის შედეგად, შექმნილი კრიტიკული ვითარება დაძლევადი და მოგვარებადია. უმორჩილესად გთხოვთ, გაგებით მოეკიდოთ ჩვენს თხოვნას", - წერს საპატრიარქო.
განცხადება სრულად:
