იანვარში, წინა წელთან შედარებით, საქართველოს ეკონომიკა 8,4%-ით გაიზარდა - საქსტატი
გამოქვეყნდა:
ჩვენთან ერთად მოიპოვეთ თავისუფლება!
საქსტატის წინასწარი მონაცემებით, 2023 წლის იანვარში, წინა წლის შესაბამის პერიოდთან შედარებით, საქართველოს რეალური მთლიანი შიდა პროდუქტი 8,4%-ით გაიზარდა.
უწყების მონაცემებით, 2023 წლის იანვარში, წინა წლის ანალოგიურ პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: მშენებლობა, საფინანსო და სადაზღვევო საქმიანობები, ტრანსპორტი და დასაწყობებია, ვაჭრობა, ინფორმაცია და კომუნიკაცია, სასტუმროები და რესტორნები.
ამავდროულად, კლების ტენდენცია დაფიქსირდა დამამუშავებელი მრეწველობის, პროფესიული, სამეცნიერო-ტექნიკური საქმიანობებისა და ენერგეტიკის სექტორებში.
საქსტატის თანახმად, საკვლევ პერიოდში საქონლის ექსპორტი გაიზარდა 38,5%-ით, ხოლო იმპორტი 25,2%-ით.
ცნობისთვის, 2021 წელს ეკონომიკურმა ზრდამ 10,5%-ს შეადგინა, ხოლო 2022 წელს კი - 10,1%.
