ბოსტნეული 25.8%-ით, პური 21%-ით, რძე, ყველი და კვერცხი 17.2%-ით გაძვირდა - საქსტატის მონაცემები
გამოქვეყნდა:
ჩვენთან ერთად მოიპოვეთ თავისუფლება!
სტატისტიკის ეროვნული სამსახურის ინფორმაციით, 2023 წლის თებერვალში, წინა თვესთან შედარებით, ინფლაციის დონემ საქართველოში -0.3 პროცენტი, ხოლო წლიური ინფლაციის დონემ 8.1 პროცენტი შეადგინა.
წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სურსათი და უალკოჰოლო სასმელები:
ჯგუფში ფასები გაიზარდა 14.0 პროცენტით. ფასები მომატებულია შემდეგ ქვეჯგუფებზე:
- ბოსტნეული და ბაღჩეული - 25.8 პროცენტი
- პური და პურპროდუქტები - 21.0 პროცენტი
- რძე, ყველი და კვერცხი - 17.2 პროცენტი
- ყავა, ჩაი და კაკაო - 14.5 პროცენტი
- მინერალური და წყაროს წყალი, უალკოჰოლო სასმელები და ნატურალური წვენები - 12.2 პროცენტი
- თევზეული - 12.1 პროცენტი
- ხორცი და ხორცის პროდუქტები - 10.2 პროცენტი
- შაქარი, ჯემი და სხვა ტკბილეული - 9.8 პროცენტი.
ფასები შემცირებულია ხილსა და ყურძენზე (-0.3 პროცენტი);
საცხოვრებელი, წყალი, ელ.ენერგია, აირი: ჯგუფში დაფიქსირდა ფასების 12.4 პროცენტიანი მატება. ფასები გაიზარდა ქვეჯგუფებზე:
- ფაქტიური გადასახადი საცხოვრებელზე 38.7 პროცენტი
- საცხოვრებლის მიმდინარე მოვლა და შეკეთება 7.4 პროცენტი
ჯანმრთელობის დაცვის ჯგუფში ფასები შემცირდა 7.6%. ფასების კლება დაფიქსირდა სამედიცინო პროდუქციის, აპარატურის და მოწყობილობის ქვეჯგუფზე -19.2 პროცენტი.
ფასები გაიზარდა ამბულატორიულ სამედიცინო მომსახურებაზე - 13.8 პროცენტი და საავადმყოფოების მომსახურებაზე - 8.0 პროცენტი.
