დედების მარში კანცელარიასთან | აქონდროპლაზიის მქონე ბავშვების მშობლების პროტესტი გრძელდება
გამოქვეყნდა:
აქონდროპლაზიის დაავადების მქონე ბავშების მშობლები დღეს მთავრობის ადმინისტრაციის შენობიდან თავისუფლების მოედნამდე საპროტესტო მარშს გამართავენ. საპროტესტო მსვლელობას მოქალაქეებთან ერთად ჯანდაცვის სფეროს სპეციალისტები და სამოქალაქო აქტივისტები შეუერთდებიან.
მოთხოვნა უცველელია - აქონდროპლაზიის სინდრომის მქონე ბავშვებისთვის აუცილებელი მედიკამენტის შემოტანა ქვეყანაში და დაფინანსება. უცვლელია მთავრობის პოზიციაც - ხუთდღიანი უწყვეტი პროტესტის მიუხედავად, პრემიერმინისტრი ბავშვების მშობლებთან შეხვედრას ისევ არ აპირებს. დედებმა, პრემიერთან შეხვედრის მოთხოვნით, კანცელარიასთან უკვე მეხუთე ღამე გაათენეს.
"რაც უფრო უპასუხო დღეები გავა, ალბათ, ჩვენი რეაგირებაც უფრო მწვავე იქნება. 6 საათზე აქედან მსვლელობას დავიწყებთ",- ამბობს ერთ-ერთი მშობელი.
აქონდროპოლაზიის დაავადების მქონე ბავშების მშობლები იმასაც ამბობენ, რომ რჩებათ შთაბეჭდილება, რომ ხელისუფლებას არც ბავშვები აინტერესებს და შემოიფარგლებიან ბრიფინგითა და პოსტებით. მშობლები
ამბობენ, რომ ბრძოლა შვილების გადასარჩენად გაგრძელდება იქამდე, სანამ "ვოზორიტიდს" ქვეყანაში შემოიტანენ და დააფინანსებენ.
ამავე თემაზე:
