უმუშევრობა, მაღალი ფასები და სიღარიბე IRI-ის კვლევაში უპირველეს პრობლემებად დასახელდა
გამოქვეყნდა:
საერთაშორისო რესპუბლიკური ინსტიტუტის (IRI) ახალი კვლევის მიხედვით, გამოკითხულთა 36% ქვეყნის უპირველეს პრობლემად უმუშევრობას ასახელებს, მაღალ ფასებს 19%, ხოლო სიღარიბეს 6%.
გამოკითხულთა 5-მა პროცენტმა უპირველეს პრობლემად პოლიტიკური პოლარიზაცია დაასახელა.
კითხვაზე, როგორ ფიქრობთ, რა არის სამი ყველაზე დიდი გამოწვევა საქართველოს დემოკრატიული განვითარებისა და მომავლისთვის, პირველ პასუხად გამოკითხულთა 38% ეკონომიკურ განვითარებას, 18% დაკარგული ტერიტორიების დაბრუნებას, ხოლო 12% უმუშევრობას ასახელებს.
გამოკითხულთა 60% ამბობს, რომ გასული წლის განმავლობაში ეკონომიკური მდგომარეობა გაუარესდა.
კვლევა საქართველოში 4-დან 23 მარტის ჩათვლით ჩატარდა. მონაცემები შეგროვდა პირისპირ ინტერვიუს მეშვეობით. შერჩევა მოიცავდა საარჩევნო ხმის უფლებისა და ასაკის მქონე 1 500 რესპონდენტს. ცდომილების ზღვარი +/- 2.5 %-ია, ხოლო გამოპასუხების მაჩვენებელი - 74%.
