საგანგებო სიტუაციების მართვის სამსახურში აცხადებენ, რომ თბილისში, თაბუკაშვილის ქუჩაზე გაჩენილი ხანძარი ლოკალიზებულია და ადგილზე სალიკვიდაციო სამუშაოები მიმდინარეობს.
უწყების წარმომადგენლის თქმით, დაშავებულებზე ინფორმაცია ამ ეტაპზე არ აქვთ.
„ხანძარი ლოკალიზებულია. მიმდინარეობს სალიკვიდაციო სამუშაოები. მეხანძრე-მაშველების დროული რეაგირების შედეგად, მოხდა ხანძრის ლოკალიზება, ვინაიდან, არსებობდა ხანძრის უფრო დიდ მასშტაბზე გავრცელების საშიშროება. შესაბამისად, ხანძარიც დროულად იქნა ლოკალიზებული და ამ ეტაპზე, როგორც მოგახსენებთ, მიმდინარეობს სალიკვიდაციო სამუშაოები. დაშავებულებზე ინფორმაცია ამ ეტაპზე არ გვაქვს", - თქვა უწყების წარმომადგენელმა.
ჯერჯერობით ასევე უცნობია თუ რამ გამოიწვია ხანძარი. ერთ-ერთი ვარაუდით, ცეცხლი მეორე სართულზე გაზის აფეთქებამ გააჩინა.
შეგახსენებთ, რომ თაბუკაშვილის ქუჩაზე ძლიერი ხანძრის გაჩენის შესახებ ინფორმაცია ცოტა ხნის წინ გავრცელდა.
