ავიაკომპანია Azimuth Airlines დროებით ოკუპირებულ აფხაზეთსა და სამხრეთ ოსეთს დამოუკიდებელ სახელმწიფოებად აღიარებს
გამოქვეყნდა:
ჩვენთან ერთად მოიპოვეთ თავისუფლება!
რუსული საავიაციო კომპანია, Azimuth Airlines, რომელსაც ცოტა ხნის წინ საქართველოში ფრენის უფლება მიეცა, საკუთარ ვებგვერდზე დროებით ოკუპირებულ აფხაზეთსა და სამხრეთ ოსეთს დამოუკიდებელ სახელმწიფოებად აღიარებს.
მანამდე კი, ცნობილი გახდა, რომ რუსული საავიაციო კომპანია, Azimuth Airlines უკრაინაში სანქცირებულია.
როგორც სანქცირებული კომპანიებისთვის სპეციალურად შექმნილ ვებგვერდზე წერია, უკრაინის მხრიდან Azimuth-ის დასანქცირების მიზეზი ის გახდა, რომ კომპანია ოპერირებს რუსეთის მთავრობისთვის სტრატეგიულად მნიშვნელოვან სექტორებში.
მათივე ცნობით, კომპანია რუსეთის მთავრობისთვის უზრუნველყოფს მაღალ მატერიალურ მხარდაჭერას იმ ქმედებებისთვის, რომელიც ძირს უთხრის და საფრთხეს უქმნის უკრაინის სუვერენიტეტს, ტერიტორიულ ინტეგრაციასა და დამოუკიდებლობას.
კომპანია სხვა ქვეყნების მხრიდან სანქცირებულთა სიაში შეყვანილი არაა.
შეგახსენებთ, რომ Azimuth Airlines პირველი რუსული საჰაერო კომპანია გახდა, რომელსაც ქართულმა მხარემ ფრენების აღდგენის უფლება მისცა. რესიები 17 მაისს განახლდება და იგი კვირაში 7 დღის სიხშირით შესრულდება.
