პირდაპირი უცხოური ინვესტიციების მოცულობა, 2023 წლის I კვარტალში, წინა წლის ანალოგიურ პერიოდზე 13.7%-ით ნაკლებია
გამოქვეყნდა:
საქართველოში პირდაპირი უცხოური ინვესტიციების მოცულობამ 2023 წლის პირველ კვარტალში 496,6 მილიონი აშშ დოლარი შეადგინა, რაც 2022 წლის პირველი კვარტლის წინასწარ მონაცემებზე 13.7%-ით ნაკლებია, ხოლო 2022 წლის მეოთხე კვარტლის მონაცემებს 53.3 პროცენტით აღემატება.
2023 წლის პირველ კვარტალში უმსხვილესი ინვესტორი ქვეყნები ასე გადანაწილდა:
- ნიდერლანდები - 239,6 მილიონი აშშ დოლარი
- იაპონია - 63,2 მილიონი დოლარი
- აშშ - 54,7 მილიონი დოლარი
- თურქეთი - 47 მილიონი დოლარი
- რუსეთი - 28.2 მილიონი დოლარი
- მარშალის კუნძულები - 23.7 მილიონი დოლარი
- ყაზახეთი - 20 მილიონი დოლარი
- ჩინეთი - 19.9 მილიონი დოლარი
- დანია - 11.1 მილიონი დოლარი
- შვეიცარია - 10.3 მილიონი დოლარი
საქსტატის ცნობით, 2023 წლის პირველ კვარტალში ყველაზე მეტი პირდაპირი უცხოური ინვესტიცია დამამუშავებელი მრეწველობის სექტორში განხორციელდა, რამაც 226,3 მილიონი აშშ დოლარი შეადგინა. მეორე ადგილას ვაჭრობის სექტორი იყო - 90,7 მილიონი დოლარით, ხოლო მესამე ადგილას ტრანსპორტის სექტორი 43,3 მილიონი დოლარით.
