"თვითმხილველმა თქვა 6 მანქანა წაიღოო, ერთ-ერთი თავისი მძღოლით" - ვითარება სტიქიის ზონაში
გამოქვეყნდა:
თვითმხილველმა თქვა 6 მანქანა წაიღოო, ერთ-ერთი მანქანა თავისი მძღოლით წაიღოო - ამბობს ერთ ერთი მოქალაქე "მთავარ არხთან" კომენტარში, შოვში ჩამოწოლილ მეწყერთან დაკავშირებით.
ინფორმაცია ოფიციალურად დაუდასტურებელია.
ერთ-ერთი დამსვენებლის თქმით კი, 38 ადამიანი სამი საათის განმავლობაში ელოდებოდა სამაშველო ვერტმფრენს:
"წამიერად მოხდა ყველაფერი, საშინელ ხმა იყო, მოვტრიალდი და მთელი მთა მოდის, სასტუმროს წინ, შენობამ გადაგვარჩინა. ყველაფერი წიაღო მიწამ, მანქანები...მანქანაში რომ ვყოფილიყავით შანსი არ გვქონდა გადარჩენის. სანსეტში იმ მომენტში ვიყავით 38 ადამიანი. გვერდით სახლები იყო და ყველაფერი წაიღო მიწამ, მაგრამ იძახიან რომ გადარჩნენო, ვიცი, რომ კიდევ ეძებენ ადამიანს" ამბობს დამსვენებელი
სტიქიის ზონაში სამაშველო ოპერაცია მიმდინარეობს. შსს-ს ცნობით, გამოყვანილია 12 მოქალაქე, მათგან 5 ბავშვი, მიმდინარეობს აქტიური სამაშველო ღონისძიება - შსს
