ავტოიმპორტიორებისთვის განბაჟება და საურავების დარიცხვა გადავადდა 2021 წლის მარტამდე - ამის შესახებ პრემიერ მინისტრმა დღევანდელი, 13 აგვისტოს მთავრობის სხდომის დაწყებამდე ისაუბრა.
მან ფინანსთა სამინისტროს, იქიდან გამომდინარე, რომ კრიზისი იქნება გრძელვადიანი, დაავალა, რომ ავტოიმპორტიორებისთვის ერთხელ უკვე გადავადებული განბაჟება, მეორედ გადაავადოს და ამჯერად უკვე 2021 წლის მარტამდე.
მისი თქმით, ეს შეეხება დაახლოებით 24 ათას ავტომფლობელს და დაახლოებით 30 მილიონი ლარის შეღავათია საგადასახადო კუთხით.
